Şəki Ağır Cinayətlər Məhkəməsində insan alverində təqsirləndirilən Səmayə Səlimovanın (adı və soyadı şərtidir) cinayət işi üzrə məhkəmə istintaqı başa çatıb.
İttihama görə, təqsirləndirilən şəxs Biləsuvar və Balakən rayonlarından iki qadını Türkiyədə restoranlarda iş vədi ilə aldadaraq Adana şəhərinə aparıb və onları cinsi istismara məruz qoyub. Bildirilir ki, qadınların sənədləri alınaraq hədə-qorxu ilə istismara məcbur edildikləri iddia olunur.
Lakin məhkəmə cinayət işinin mahiyyətinə baxmayıb. Təqsirləndirilən şəxsin son yaşayış yerinin Gəncə şəhəri olduğu müəyyən edildiyindən iş aidiyyəti üzrə Gəncə Ağır Cinayətlər Məhkəməsinə göndərilib. Onun barəsində seçilmiş həbs qətimkan tədbiri isə qüvvədə saxlanılıb.
Mənbə: pravda.az
