Lənkəran İdman Olimpiya Kompleksində cüdo idman növü üzrə yarış keçiriləcək. Bu haqda məlumatı Cenublu.az bu gün, 30 iyul tarixində verir.
31 iyul saat 11:00-da başlayan yarışda 2011-2012-ci il təvəllüdlü 21, 24, 27, 30, 34, 38, 42, 46, 50, 55, 55+ kq çəki dərəcəli idmançılar iştirak edə bilərlər ( hər çəkidə 1 kq güzəşt var). Hakim qeydiyyatından keçməyən idmançılar yarışa buraxılmayacaq. İdmançıların hakim tərəfindən çəkilərinin müəyyən edilməsi 31 iyul saat 09:00-dan 10:00-dək baş tutacaq.
Yarışda hər çəki üzrə I, II və III yerlərə çıxan idmançılar diplom və medallarla təltif olunacaqlar. Yarışın baş hakimi Əkbər Gənciyevdir. Ətraflı məlumat üçün: (051) 717-87-49.
Qeyd edək ki, Beynəlxalq Cüdo Federasiyasının qəbul etdiyi müvafiq qaydalara əsasən, keçiriləcək yarış Azərbaycan Cüdo Federasiyasının dəstəyi ilə Lənkəran şəhər Gənclər və İdman İdarəsi və Lənkəran Olimpiya Kompleksinin birgə təşkilatçılığı ilə baş tutacaq.
