Lənkəranda bütün futbolsevərlərin maraqla izlədiyi Dəmir Yumruq Kuboku yekunlaşıb. Bu haqda bu gün, 2 avqust tarixində Cenublu.az xəbər verir.
Vətən müharibəsində qazandığımız Böyük Zəfərə həsr olunmuş turnirin final matçında “Bioloji Təbabət” və “Digah” komandaları üz-üzə gəliblər. 6:1 hesabı ilə qalib gələn “Bioloji Təbabət” FK kubokun sahibi olub.
Çempionatın sonunda bir sıra rəsmi qonaqların da iştirakı ilə təltifetmə mərasimi baş tutub:
I yer - “Bioloji Təbabət” - 5000 AZN;
II yer - “Digah” - 2500 AZN;
III yer - “Tankçılar” - 1000 AZN.
Ən yaxşı oyunçu - Elnur Cəfərov (“Digah”);
Ən yaxşı qapıçı - Yəhya Nağıyev (“Tankçılar”);
Bombardir - Zaur Nuruzadə (“Bioloji Təbabət”);
Ən yaxşı qol - Pərviz Mirzəyev (“Şağlaser”).
16 komandanın mübarizə apardığı Dəmir Yumruq Kuboku "Xan Lənkəran" PFK-nın, Lənkəran Şəhər Gənclər və İdman İdarəsinin, Lənkəran Futbol Liqasının təşkilatçılığı, Gənclərin İnkişaf və Karyera Mərkəzinin Lənkəran nümayəndəliyinin, "Maximum Education"-ın, Azərbaycan Minifutbol Federasiyasının dəstəyi, "Avto Omski Lənkəran" şirkətinin sponsorluğu və "Mediamax"-ın media dəstəyi ilə keçirilib. "Xan Lənkəran" PFK həm də çempionatın baş sponsorudur.
