top
Güləşçilərimizin gizli silahına çevrilən azərbaycanlının MÜSAHİBƏSİ
02 may 2026, 17:23
- ↺ +

Güləşçilərimizin gizli silahına çevrilən azərbaycanlının MÜSAHİBƏSİ

Xəbərlərimizi Google-da izləyin
Yeniliklərdən dərhal xəbərdar olun
Abunə ol

Bu yaxınlarda Albaniyanın paytaxtı Tirana şəhərində keçirilən güləş üzrə Avropa çempionatında tribunada bir xüsusilə fəal azarkeşi görməmək mümkün deyildi. Əlində bayraq, səsi isə demək olar ki, tutulmuşdu – o, bir neçə gün ərzində idmançılara fasiləsiz şəkildə həm enerjisi, həm də gur səsi ilə dəstək olurdu.

Bu, Bəxtiyar Əliyevdir. O, özünü peşəkar azarkeş adlandırır. Güləşi uzun illərdir izləyir, uşaq vaxtı isə həvəskar səviyyədə bu idman növü ilə məşğul olub. 2015-ci ildən etibarən şəxsi vəsaiti hesabına yığma komanda ilə birlikdə xaricdə keçirilən yarışlara gedir. Artıq o, sadəcə izləyici deyil, komandaya daxil olan və öz strategiyası olan bir azarkeşdir.

51 yaşlı kişi Lerik rayonunun Ərdəbilə kəndindəndir. İdman sevgisi onda hələ uşaqlıq illərindən formalaşıb. O, eyni zamanda futbol azarkeşidir və sevimli komandası "Neftçi" FK-dir.

Güləşə xüsusi münasibəti var. Onun fikrincə, bu idman növü milli kimliyimizin bir hissəsidir və ölkəyə daim uğurlar qazandırır. Onun üçün azarkeşlik həm hobbi, həm də gündəlik qayğılardan uzaqlaşıb müxtəlif ölkələri görmək imkanıdır. Yarışlara isə 2-3 gün əvvəl hazırlaşır:

"İdmançılar yarışa necə hazırlaşırsa, mənim də öz rituallarım var", - deyə o, idman.biz-ə bildirib.

Onun "peşəkar azarkeş dəsti"ndə tez-tez təsbeh, "aerodrom" papaq və əvvəlcədən ütülənmiş bayraq olur:

"Bəzən əlimdə armudu stəkanla kadra düşürəm. Elə olur ki, milli komandanın formasında gəlirəm. Peşəkaram, necə azarkeşlik etməyi bilirəm: hansı şüarları nə vaxt səsləndirmək, hakimlərə necə təsir etmək, hansı sektorda oturmaq lazım olduğunu bilirəm. İdmançılarımızın hansı ardıcıllıqla çıxış etdiyini də izləyirəm. Telefonumda həmişə musiqi olur - lazım gəlsə, rəqs də edə bilərəm".

İllər ərzində o, güləşçilərlə həm sevinc, həm də kədər dolu anlar yaşayıb. Lakin daha çox qələbə sevincini bölüşüb:

"Mənim ayağım "uğurludur". İştirak etdiyim yarışların 90 faizində idmançılarımız uğur qazanırlar".

Onun üçün ən qürurverici an Azərbaycan himninin səslənməsi və idmançılarımızın fəxri kürsünün ən yüksək pilləsinə qalxmasıdır. Gümüş medallar isə onun üçün daha ağır keçir:

"İkinci yer olanda zalda olmamağa çalışıram. Özümü pis hiss edirəm, xüsusilə idmançıların göz yaşlarını görəndə".

Ən unudulmaz xatirələrindən biri 2015-ci ildə Tehran şəhərində keçirilən yunan-Roma güləşi üzrə Dünya Kuboku ilə bağlıdır. Bu, onun ilk belə səfəri idi. Həmin turnirdə Azərbaycan millisi finalda Rusiyanı məğlub edərək çempion olmuşdu:

"Arenada minlərlə iranlı azarkeşin qarşısında təkcə mən Azərbaycan bayrağı ilə dayanmışdım. Qrup mərhələsində İranı 6:2 hesabı ilə məğlub etdik. Bu, sanki futbolda Braziliyanı "Marakana" stadionunda məğlub etmək kimiydi. Deyilənə görə, İran prezidenti finala gəlməyi planlaşdırırdı, lakin komandanın məğlubiyyətindən sonra gəlmədi".

O, xüsusilə İslam Abbasov ilə David Çakvetadze arasında keçirilən həlledici görüşü xatırlayır:

"Rəqib 4:2 öndə idi, İslamı havaya qaldırmışdı. Mən gözlərimi yumub dua etdim. Açanda gördüm ki, artıq rəqibini kürəyə qoyub. İnanılmaz an idi".

Onun sözlərinə görə, həmin vaxt Həsən Əliyev belə ondan bayrağı istəyib və komanda həmin bayraqla qələbəni qeyd edib. Bu turnirdən sonra Bəxtiyar Əliyev demək olar ki, heç bir beynəlxalq yarışı buraxmır.

O, güləş tarixini də yaxşı bilir. 1996-cı il Olimpiadasında Namiq Abdullayevin Valentin Yordanova məğlub olduğu finalı belə xatırlayır:

"O vaxt onun əlindən "qızıl" alındı, bu məni çox sarsıtdı".

2000-ci ildə isə Abdullayevin Olimpiya çempionu olmasını böyük sevinc hissi ilə xatırlayır.

2004-cü ildə Fərid Mansurovun qələbəsini də belə yada salır:

"Bakı metrosunun "Xalqlar dostluğu" stansiyası yaxınlığında gəzirdim, insanların bir-birini təbrik etdiyini eşitdim. Evə tələsib video yazısını izlədim, dəfələrlə baxdım".

Onun yaddaşında Eldəniz Əzizlinin Macarıstanda keçirilən dünya çempionatında cəmi 56 saniyəyə 10 xal qazanaraq qızıl medal əldə etməsi də xüsusi yer tutur:

"Futbolçulardan forma istəyirlər, mən isə güləşçilərdən mükafatlandırma mərasimində verilən oyuncaqları xahiş edirəm. Bir dəfə Eldəniz Əzizli onu mənə vermədi, dedi ki, qızına aparacaq. Amma sonra söz verdi ki, növbəti dəfə hədiyyə edəcək. Mən özüm də onları ala bilərəm, amma belə idmançıların əlindən almaq tamam başqa hissdir".

Bəxtiyar Əliyev bu oyuncaqları kolleksiya edir və onları yarışların xatirəsi kimi evində ən görünən yerdə saxlayır.

Bəxtiyar Əliyevin güləşçilərlə şəxsi münasibətləri də var. İlk dəfə Macarıstanda keçirilən dünya çempionatında Cəbrayıl Həsənov ilə tanış olub və o vaxtdan aralarında yaxşı münasibət yaranıb:

"Restorana daxil oldum, Azərbaycan dilində danışıq eşitdim. Bu, Cəbrayıl Həsənov idi. Yaxınlaşdım, tanış olduq, şəkil çəkdirdik. Onunla çox yaxşı münasibətimiz var. O, mənim kumirimdir, hesab edirəm ki, Azərbaycan tarixinin ən yaxşı güləşçisi olaraq qalır".

Bu gün Bəxtiyar Əliyev artıq özünü komandanın bir hissəsi kimi hiss edir. İdmançılar onu tanıyır, bəzən məsləhətləşir, o isə fikirlərini açıq şəkildə bildirir:

"Bəzən soruşuram: niyə uduzdun? Niyə dörd dəfə xalça kənarına çıxdın?"

Tiranadakı son Avropa çempionatında o, bəzi idmançılarımızın "uşaq səhvləri" etdiyini qeyd etsə də, maraqlı görüşlərin də çox olduğunu vurğulayıb. Xüsusilə Jalə Əliyevanın bürünc medal uğrunda görüşünü qeyd edib. Həmçinin, o, İslam Bazarqanova qələbədən sonra Azərbaycan bayrağını öpdüyünə görə təşəkkür edib.

O, idmana olan sevgisini ailəsinə də aşılayır və yarışlara həyat yoldaşı və övladları ilə birlikdə gedir:

"İstəyirəm ki, gələcək nəvəm ağır çəkidə güləşçi olsun. Bu bizim zəif kateqoriyamızdır. Onun Olimpiya çempionu olması üçün əlimdən gələni edəcəyəm".

Əliyevin sözlərinə görə, onun ətrafındakı insanlar da idmana biganə deyil:

"Dost seçəndə iki əsas meyarım var: siqaret çəkməsinlər və idmana maraqları olsun".

Tribunada o, təkcə yerli deyil, xarici azarkeşləri də ruhlandırır. Bəzən onlar da Azərbaycanı dəstəkləməyə başlayırlar:

"Bir çoxları bizim tərəfə keçir, bayrağımızı tutur. Bəzən əvvəlcədən razılaşırıq ki, bir-birimizi dəstəkləyək. Elə olur ki, kimlərsə mənim köməyimdən istifadə edir, amma öz öhdəliklərini yerinə yetirmir, lakin bu da bir təcrübədir".

Onun fikrincə, Azərbaycan azarkeşləri güləşə olan coşqu baxımından iranlı azarkeşlərdən çox şey öyrənə bilər. O hesab edir ki, ölkəmizdə yarışlara marağı artırmaq üçün şou proqramlar, uduşlar, reklam və ailə sektorları təşkil edilməlidir.

Gələcəklə bağlı isə o, xüsusi planlar qurmur: payızda yenə də güləş üzrə dünya çempionatında milli komandamızın yanında olacaq və sonadək dəstəyini əsirgəməyəcək.

Son xəbərlər

Bütün xəbərlər
Bu gün, 11:50

Sabahdan Azərbaycanda növbəti istilik mövsümü başlayır

Bütün xəbərlər
Bu gün, 11:15

Gənc əsgərlərlə görüşə məhdudiyyət qoyuldu

Kriminal
Bu gün, 10:30

Ötən gün Azərbaycanda cinayət törətməkdə şübhəli bilinən 59 nəfər saxlanılıb

Bütün xəbərlər
Bu gün, 09:55

Xan Lənkəranın məşhur ziyalılarını tanıyırsınız?

Bütün xəbərlər
Bu gün, 09:22

Vətən müharibəsi şəhidimizin anım günüdür

İdman
Dünən, 18:00

Dekabrda Azərbaycanda kütləvi üzgüçülük yarışı keçiriləcək

Bütün xəbərlər
Dünən, 17:10

Cənubda qazsız evlər: 526 müraciət və illərdir cavabsız qalan şikayətlər

İdman
Dünən, 16:35

Lənkəranda bədii gimnastika üzrə region birinciliyi keçiriləcək

Bütün xəbərlər
Dünən, 16:00

Sabirabadın bu kəndində yağış yağan kimi yollar keçilməz olur - VİDEO

Kriminal
Dünən, 15:15

Evini əxlaqsızlıq yuvasına çevirən 71 yaşlı kişi cəzalandırıldı

Bütün xəbərlər
Dünən, 14:35

On ayda piyadaların vurulması ilə nəticələnən 384 qəza olub

Bütün xəbərlər
Dünən, 13:55

Sabah hava necə olacaq?

İqtisadiyyat
Dünən, 13:15

35 modul məktəbi istifadəyə veriləcək

Bütün xəbərlər
Dünən, 12:35

İgid şəhidimizin doğum günüdür

Bütün xəbərlər
Dünən, 12:00

Bağça müəllimlərinin sertifikasiyasına başlanılır, 9000-ə yaxın şəxs iştirak edəcək

Bütün xəbərlər
Dünən, 11:15

Mərhum aktyorun qızı: "Məni niyə yetim qoydun, ata?"

Bütün xəbərlər
Dünən, 10:35

Nəvəsinin andiçməsindən sonra meyiti tapılan kişi ilə bağlı - Yeni detallar

Kriminal
Dünən, 10:00

Sevgilisini yumruqlayan cəlilabadlı məhkəməlik oldu

Bütün xəbərlər
Dünən, 09:17

Masallıdan olan şəhidimizin xatirəsi anılır

Bütün xəbərlər
12 noyabr 2026, 17:17

Lənkəranda bir ailənin 9 üzvü qidadan zəhərlənib

Bütün xəbərlər
12 noyabr 2026, 16:35

Küləkli hava şəraiti ilə bağlı sarı xəbərdarlıq verilib

Bütün xəbərlər
12 noyabr 2026, 16:00

Şəhid Mirağa Qasımovun xatirəsi anılır

Bütün xəbərlər
12 noyabr 2026, 15:32

Aktyor Aslan Fətullayev dəfn olundu

Bütün xəbərlər
12 noyabr 2026, 15:00

Masallının bu kəndinin sakinləri yollardan şikayətçidirlər

Faydalı
12 noyabr 2026, 14:03

Günəşdə gözlənilməz güclü partlayış olub

Bütün xəbərlər
12 noyabr 2026, 13:30

10 ayda istehlakçılara qaytarlıan ƏDV-nin məbləği açıqlanıb

Bütün xəbərlər
12 noyabr 2026, 12:49

Sabah hava necə olacaq?

İqtisadiyyat
12 noyabr 2026, 12:03

Azərbaycanda gələn il mədəniyyət xərclərinin gözlənilən strukturu məlum olub

Oxşar xəbərlər