"Xan Lənkəran" PFK Region liqasında çıxış etməkdən imtina etdi. Bu haqda bu gün, 1 avqust tarixində Cenublu.az xəbər verir.
Cəmi 1 mövsüm fəaliyyət göstərməsinə baxmayaraq, Azərbaycan futboluna səs salan "Xan Lənkəran" PFK Region liqasında çıxış etməyəcək. Səbəb isə odur ki, klubun əldə etdiyi uğurlara rəğmən "Xan Lənkəran" l diviziona buraxılmayıb.
Klub rəhbərliyi bildirir ki, AFFA-ya varisliklə bağlı müraciətinə cavab verilməyib.
Açıqlamada qeyd olunub ki, klub idmanın, xüsusilə futbolun inkişafı üçün əlindən gələni edəcək. "Xan Lənkəran" PFK-nın yalnız aşağı yaş (U-10,12,13,14,17) qrupunda olan komandaları bu mövsüm liqalarda çıxış edəcək.
