Üçqat Azərbaycan, iki dəfə Avropa çempionu olan lənkəranlı atlet Elşan Məmmədovun uğurları haqda Cenublu.az bu gün, 26 yanvar tarixində oxucularına məlumat təqdim edir.
Elşan Elşad oğlu Məmmədov 2004-cü ildə Lənkəran şəhərində anadan olub. 2014-cü ildən Lənkəran şəhərində “Zirvə” İdman Klubunda ağır atletika idman növü üzrə məşğul olmağa başlayıb. 2017-ci ildə Kosovoda Avropa birinciliyində 13 yaşında 3-cü yeri tutub. 2018-ci ildə İtaliyada Avropa birinciliyinin qalibi olaraq 3 qızıl medal qazanıb. Həmin il Azərbaycanda ağır atletika üzrə ilin idmançısı seçilib. 2019-cu ildə İsraildə Avropa birinciliyinin qalibi olaraq Avropa rekordçusu olub. Bu yarışda 3 qızıl medal əldə edib. Eyni ildə Azərbaycanda ağır atletika üzrə ilin idmançısı seçilib. Həmin ildə ABŞ-də, Las-Veqasda keçirilmiş dünya birinciliyində 17 yaşa qədər idmançılar arasında 5-ci yerə çıxıb.
Eyni zamanda 2017, 2018 və 2019-cu illərdə ağır atletika idman növü üzrə yeniyetmələr arasında Azərbaycan çempionu olub. Hal-hazırda Azərbaycan Dövlət Bədən tərbiyəsi və İdman Akademiyasının tələbəsidir.
Məşqçi-müəllimi Məmmədli Toğrul Rasim oğludur.
