Lənkəran rayonunun Viravul kənd 2 nömrəli tam orta məktəbinin 10-cu sinif şagirdi Şükran Cahangir qızı Quliyeva Rayon Fənn Olimpiadasının rayon mərhələsində qalib olaraq yarımfinala vəsiqə qazanıb. Bu haqda məlumatı Cenublu.az bu gün, 27 yanvar tarixində verir.
Şükran Quliyeva 2007-ci ildə Lənkəran rayonunun Viravul kəndində anadan olub. 8-ci sinifdə oxuyarkən Azərbaycan dili və ədəbiyyat fənlərindən 9-cu sinif proqramı üzrə Respublika Fənn Olimpiadasının yarımfinal turuna vəsiqə qazanıb. 9-cu sinifdə oxuyarkən isə Respublika Fənn Olimpiadasının ilk turunda Azərbaycan dili və ədəbiyyat fənlərindən rayon üzrə 3-cü yeri tutaraq final mərhələsində iştirak etmək hüququ qazanıb.
Şuşa ilinə həsr olunmuş rayonlararası intellekt yarışında Lənkəranı təmsil edən “Xan Lənkəran” komandasının üzvü olan 8 şagirddən biri olub. Komanda qalib seçilib.
2022-ci ildə ümumi orta təhsil səviyyəsini əla qiymətlərlə bitirərək buraxılış imtahanında yüksək nəticə əldə etməklə ümumi orta təhsil haqqında fərqlənmə attestatına layiq görülüb.
2022-ci ildə “Əziz Şuşa, sən azadsan!” inşa müsabiqəsinin respublika mərhələsində qalib olub və Azərbaycan Respublikasının Elm və Təhsil naziri Emin Əmrullayev tərəfindən təntənəli təqdimetmə mərasimində lll dərəcəli diplomla təltif edilib.
Bu tədris ilində də RFO-nun rayon mərhələsində qalib olaraq, yarımfinala vəsiqə qazanan Şükran 25 fevralda keçiriləcək növbəti mərhələyə hazırlaşır.
