Masallı və Astarada gənclərin kompüter bilik və bacarıqlarını inkişaf etdirmək məqsədilə layihə təşkil olunacaq. Bu haqda bu gün, 28 noyabr tarixində Cenublu.az Astara rayon Gənclər və İdman İdarəsinə istinadən xəbər verir.
Gənclərin Sosial İnkişafına Dəstək İctimai Birliyi Gənclər Fondunun ( Azərbaycan Gənclər Fondu / Azerbaijan Youth Foundation )maliyyə dəstəyi və NAYORA-nın ( National Assembly of Youth Organizations of the Republic of Azerbaijan ) təşkilatçılığı ilə "Gənclər Təşkilatlarının Fəaliyyətinin Dəstəklənməsi Proqramı -2.0" çərçivəsində "Region gəncləri arasında İKT (İnformasiya və Kommunikasiya Texnologiyaları) bacarıqlarının artırılması və sosial şəbəkələrdən düzgün istifadənin təbliği" layihəsi həyata keçiriləcək.
Layihə cari ilin noyabr –dekabr aylarında Azərbaycanın cənub bölgələri olan Masallı və Astara rayonlarında baş tutacaq.
Qeyd edək ki, "Region gəncləri arasında İKT bacarıqlarının artırılması və sosial şəbəkələrdən düzgün istifadənin təbliği" layihəsinin əsas məqsədi regionda gənclərin İKT vasitələrindən düzgün istifadəsi, onların İKT biliklərinin gələcək karyera imkanlarının artırılmasında rolu, sosial mediadan düzgün istifadə qaydalarının aşılanmasıdır.
