Loğman Mirəli oğlu Ağayev 4 aprel 1932-ci ildə Lənkəran şəhərində anadan olub.
O, ilk təhsilini Lənkəran şəhər 3 saylı orta məktəbində alıb. Ağayev 1972-ci ildə indiki Bakı Dövlət Universitetinin filologiya fakültəsini bitirib. O, 1972-ci ildən ömrünün sonunadək Bakı şəhər 13 saylı internat məktəbində ədəbiyyat müəllimi kimi çalışıb.
Loğman Ağayev ədəbi yaradıcılığa orta məktəb illərindən başlayıb. Şairin ilk şeiri 1951-ci ildə indiki “Lənkəran” qəzetində, sonralar digər şeirləri isə müxtəlif almanaxlarda dərc olunub [1].
Onun yazdığı kitablar sırasında “Səhər lövhəsi”, “Buta”, “Tükənməz bulaq”, “Torpağa əkilən arzular”, “Sözlü, nağıllı gecələr”i qeyd etmək olar [1, 2,3]. O, həmçinin “Toy və halay mahnıları” folklor kitabının tərtibatçılarından biridir [1]. Onun yazdığı “Tükənməz bulaq” kitabında Azərbaycan xalq rəqslərini müşayiət edən mahnıların bir qismi, eləcə də mahnı ilə müşayiət olunan tamaşa və uşaq oyunları toplanıb [2]. Yazıçının “Torpağa əkilən arzular” kitabına isə onun bir çox şeirləri və poemaları, həmçinin “Analar ölməyir” və “Xəzərin harayı” adlı poemaları daxildir.
Loğman Ağayev 11 noyabr 1992-ci ildə Bakı şəhərində vəfat edib [1].
Ədəbiyyat:
