Qədim peşələrdən olan dülgərlik sənəti unudulmaq təhlükəsi ilə üz-üzə qalıb.
Cenublu.az xəbər verir ki, bu sənəti yaşadan sənətkarlardan biri də Lənkəran şəhər sakini Fəzail Şahverdiyevdir. O, 30 ilə yaxındır ki, bu işlə məşğuldur.
Onun sözlərinə görə, dülgərlik sənəti zəhmət, diqqət və böyük səbir tələb edir. Fəzail ustanın taxtadan yaratdığı müxtəlif məişət əşyaları həm yerli sakinlərin, həm də bölgəyə gələn xarici turistlərin diqqətini çəkir. Hazırladıqları əl işlərini isə dəyər-dəyməzə satır.
Sənətkar onu da bildirir ki, dülgərlər müasir dövrdə texnologiyanın imkanlarından da istifadə edirlər. Lazer kəsicilər və kompüterlə idarə olunan dəzgahlar onların işini daha sürətli və dəqiq edir. Lakin hər nə qədər müasir avadanlıqlar istifadə olunsa da, əl işinin unikal gözəlliyi hər zaman yüksək qiymətləndirilir. Dülgərliyi yaşatmaq üçün isə mütləq dövlət dəstəyi lazımdır ki, bu sənət növü gənc nəslə aşılansın və nəsildən-nəslə ötürülsün.
