Lənkəran şəhərindəki yoldan sakinlər narazıdırlar.
Cenublu.az-a daxil olan şikayətə əsasən, Məmməd Səid Ordubadi küçəsinin yaxınlığında yerləşən məhəllə sakinləri yolların bərbad vəziyyətdə olduğunu bildiriblər. Bu məhəllə həmçinin “Azpetrol” və “Daş Bazarı”nın arxasında yerləşdiyi üçün yerli sakinlər arasında "Azpetrolun arxasındakı məhəllə" kimi də tanınır.
Sakinlər tərəfindən göndərilən fotolarda aydın şəkildə görünür ki, yoldakı çalalar yağıntılı havalarda su ilə dolur, bu isə avtomobillərin və piyadaların hərəkətini çətinləşdirir. Yolların vəziyyəti sürücülər üçün ciddi təhlükə yaradır, xüsusilə yağıntılı günlərdə qəza riski artır.
Sakinlər məsələ ilə bağlı aidiyyəti qurumların, xüsusən yerli icra hakimiyyəti və kommunal xidmətlərin dərhal tədbir görməsini, yolların təmir olunmasını və təhlükəsizliyin təmin edilməsini tələb edirlər:
“Yol avtomobilləri pis vəziyyətə salır, tədbir görülsə, yaxşı olar”.
