Ələt-Astara yolunun Salyan rayonu ərazisində yol-nəqliyyat hadisəsi baş verib.
Cenublu.az DİN-in Mətbuat Xidmətinə istinadən xəbər verir ki, Fail Nemətovun idarə etdiyi “Mercedes Vito” markalı avtomobil idarəetməni itirərək qarşıda gedən yük avtomobili ilə toqquşub. Nəticədə xəsarətlər alan sürücü və sərnişini – Lənkəran rayon sakini Hüseynağa Kərimov xəstəxanaya çatdırılsa da, sonuncunun həyatını xilas etmək mümkün olmayıb.
Bildirilib ki, qəzanın səbəbi sürücü Fail Nemətovun səhhətinin pisləşməsi olub.
Belə ki, o, səhhətində problemlər olduğunu bildiyi halda qeyri-müntəzəm sərnişindaşıma fəaliyyəti ilə məşğul olub.
Baş Dövlət Yol Polisi İdarəsi səhhətində ciddi problemlər olan sürücülərə müraciət edərək onları yaşanmış acı təcrübədən düzgün nəticə çıxarmağa, özlərinin və digər yol hərəkət iştirakçılarının həyat və sağlamlığına biganə yanaşmamağa çağırır!
