Sabah Masallı və Lənkəranın bəzi ərazilərində qazın verilişində fasilə yaranacaq.
Cenublu.az xəbər verir ki, Lənkəran şəhəri, Əli Məmmədov küçəsində diametri 159 mm-lik qaz xətinin podratçı təşkilat tərəfindən yeri dəyişdiriləcək. Bununla əlaqədar Əli Məmməov və Zərifə Əliyeva küçələri olmaqla ümumilikdə 2000 abonentin qaz təchizatı 14.01.2025-ci il tarixdə saat 10:00-dan işlər başa çatanadək dayandırılacaq.
Həmçinin Masallı şəhəri, Azərbaycan küçəsində (“Rabitə” Bankın yanında) “Təmiz qaz” QSC tərəfindən diametri 273 mm-lik orta təzyiqli daşıyıcı qaz xəttində aşkar olunan qaz sızması ləğv ediləcək. Bununla bağlı Masallı şəhəri, Digah, Seybətin, Səmidxan 2, Öncəqala, Hüseynhacılı, Musaküçə, Gəyəçöl, Xıl, Sirəbil. Sərçuvar, Təzəkənd, Qızılavar, Lürən, Allahyarlı kəndlərinin və Ərkivan qəsəbəsinin bir hissəsi olmaqla ümumilikdə 17000 abonentin qaz təchizatının 14.01.2025-ci il saat 10:00-dan işlər yekunlaşana qədər dayandırılması planlaşdırılır.
