Lənkəranda aparılan genişmiqyaslı asfaltlanma işlərini nəzərə alaraq, bəzi küçələrin sakinləri bu gün, 28 sentyabr tarixində Cenublu.az-a müraciət ediblər.
Belə ki, sakinlər müraciətlərində aidiyyəti qurumların şəhərin bir sıra küçələrinin asfaltlanmasını nəzərə almalarını xahiş ediblər.
Sakinlər bildiriblər: “Şəhid Hamid Əskərov küçəsində yol deformasiyaya uğrayıb”.
“Molla Pənah Vaqif küçəsi, 1/2-də yollar keçilməzdir. Bu məhəllədə 3 əlil insan yaşayır. Yağış yağanda küçəni su basır. Yol problemi ilə yanaşı, həmçinin küçəmiz işıqsızdır. Bu səbəbdən də gecələr sahibsiz itlər məhəlləmizə dolur”.
“Şəhərin Əli Məmmədov küçəsi, LDU-nun 2-ci korpusunun əsas girişinin yanında yerləşən yol da bərbad vəziyyətdədir”.
Sakinlər aidiyyəti qurumların qeyd olunan yolları təmir edəcəyinə ümid edirlər.
Qeyd edək ki, Lənkəran şəhər İcra Hakimiyyəti ilin sonunadək 23 yolun asfaltlanacağı haqda məlumat verib.
