Lənkəranda piyadanın vurulması ilə nəticələnən yol-nəqliyyat hadisəsi baş verib.
Cenublu.az xəbər verir ki, hadisə axşam saatlarında Lənkəran rayonunun Darquba kəndində qeydə alınıb.
Hərəkətdə olan nəqliyyat vasitəsi toydan çıxıb yolu əks istiqamətə keçmək istəyən Lənkəran rayonunun Ləj kənd sakini, 48 yaşlı Akşin Əliyevi vurub.
A.Əliyev dərhal Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub. Ona zəruri ilkin tibbi yardım göstərilib və vəziyyətinə uyğun olaraq reanimasiya şöbəsinə yerləşdirilib.
Qeyd edək ki, Akşin Əliyev Ləj kənd məktəbində tarix müəllimi işləyir.
Faktla bağlı araşdırma aparılır.
