Lənkəranda baş verən yol qəzasında xəsarət alanların sayı 24-ə çatıb.
Cenublu.az -a TƏBİB-dən verilən məlumata görə, Lənkəran-Boradigah-Masallı yolunun Lənkəran şəhəri ərazisindən keçən hissəsində yanvarın 28-də baş vermiş yol-nəqliyyat hadisəsi ilə bağlı 24 nəfər (13-ü qadın, 10-u kişi, 1-i azyaşlı olmaqla) bədənin müxtəlif nahiyələrinin travmaları diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.
Yaralılara zəruri ilkin tibbi xidmətlər göstərilib. Xəsarət alanlardan 1 nəfərin müalicəsi Reanimasiya şöbəsində, 6 nəfərin müalicəsi Travma şöbəsində, digər 4 yaralının müalicəsi Təcili yardım şöbəsində davam etdirilir. 13 nəfərin xəsarəti yüngül olduğundan ambulator müalicə üçün evə buraxılıb.
***15:45
Hadisə yerində polis əməkdaşları tərəfindən zəruri təhlükəsizlik və digər tədbirlər görülüb.
Bunu DİN-in Mətbuat Xidmətinin Lənkəran regional qrupunun baş inspektoru polis kapitanı Məhəmməd Rzayev Cenublu.az-ın sorğusuna cavab olaraq bildirib.
"Yanvarın 28-də saat 13 radələrində Lənkəran rayonunun Girdəni kəndi ərazisində Hümmət Rüstəmova məxsus "Vaz" markalı avtomobil və Xaqani Ramazanzadənin idarə etdiyi "Isuzu" markalı avtobusun toqquşması ilə nəticələnən yol nəqliyyat hadisəsi baş verib. Hadisə yerində polis əməkdaşları tərəfindən zəruri təhlükəsizlik və digər tədbirlər görülüb. Qəza ilə bağlı avtotexniki ekspertizalar təyin edilib, araşdırma aparılır,"- deyə o, qeyd edib.
***15:35
Lənkəranda baş verən yol qəzasında xəsarət alanların şəxsiyyəti müəyyənləşib.
Cenublu.az məlumat verir ki, bu gün Lənkəranda baş verən yol qəzasında xəsarət alanlar bunlardır:
Kərimova Akifə Aşur - 1965
Ramazanzadə Xəqani Fizuli 1991
Manafova Jalə Xankişi 1989
Cəfərova Günay Natiq 1982
Əliyeva Gülnar Şəmşir 1985
Qəmbərov Yusif İbrahim 1968
Hüseynov Cəvahir Rövşən 2008
Bayramova Ulduz Sədaqət 1989
Xudaverdiyev Səttar Ramin 2003
Axundzadə Könül Xaliq 2002
Əlizadə Əlifağa Xudu 1995
Allahverdiyeva Rüqǝyya Ramil 2016
Ağazadə Yusif Vüqar 2013
Hüseynova Sevda Qurban 1992
Zəkiyeva Ülkər Maksud 1994
Məmmədova Aygün Şamil 1963
Xudaveridiyeva Nuridə 1979
Əkbərov Çingiz Əşrəf 1984
Əkbərzadə Maksum Şahid 2002
Əliyeva Nuranə Rafiq 1981
Əhmədova Nazilə Cəfər 1955
Babayeva Arzu Azad 1985
Rüstəmov Hümmət Fizuli 1975
***15:00
Lənkəran-Boradigah-Masallı yolunda, Lənkəran şəhəri ərazisində baş verən yol-nəqliyyat hadisəsi nəticəsində 21 nəfər Lənkəran Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.
Bu barədə Cenublu.az-a TƏBİB-dən bildirilib.
Qeyd olunub ki, bədənin müxtəlif nahiyələrinin travmaları diaqnozları qoyulan şəxslərin hər birinə zəruri tibbi xidmətlər göstərilir. Onlar vəziyyətlərinə uyğun olaraq müxtəlif şöbələrə yerləşdirilirlər.
*** 14:09
Lənkəranda yol-nəqliyyat hadisəsi baş verib.
Cenublu.az xəbər verir ki, qəza Lənkəran-Boradigah-Masallı yolunda, Lənkəran şəhəri ərazisində qeydə alınıb.
Sərnişin avtobusu "VAZ-2107" markalı avtomobilin üstünə aşıb. Qəza nəticəsində xəsarət alanların olduğu bildirilir.
Əraziyə təcili tibbi yardım briqadaları və FHN xilasediciləri cəlb edilib.
