Lənkəranda yağış yağan kimi, "Raypo" adlanan yaşayış massivində binalara gedən yolu su basır.
Cenublu.az xəbər verir ki, yağan aramsız yağışlar Lənkəran şəhərinin adıçəkilən ərazisində fəsadlar törədib.
Sakinlərin sözlərinə görə, şəhərə yüngülvari yağış yağan kimi, küçələr keçilməz olur:
"Əsasən Raypo yaşayış massivindəki 14 və 15 saylı binalara getmək mümkün deyil. Bu yolda yağış suları yığılıb qalıb. Məsələ ilə bağlı dəfələrlə aidiyyəti orqanlara müraciət edilsə də, heç bir tədbir görülməyib".
Qeyd edək ki, bir neçə gündür ki, Lənkəranda yağış yağır. Analoji hal şəhərin digər yollarında da müşahidə olunur.
View this post on Instagram
