Cənub bölgəsində yağan intensiv qar gündəlik həyatı və nəqliyyatın hərəkətini müşkülə salıb.
Cenublu.az xəbər verir ki, xüsusilə körpülərdə və açıq ərazilərdə yolların buz bağlaması sürüşmə riskini artırıb. Nəticədə bir neçə yol-nəqliyyat hadisəsi qeydə alınıb.
Səhər saatlarından etibarən qarın güclənməsi yollarda hərəkətin daha da çətinləşməsinə səbəb olub. Yeni Ələt–Astara magistral yolunun əsas hissəsi axşam saatlarında qardan təmizlənsə də, rayonlara çıxış istiqamətlərində, eləcə də magistralın döngə və enişli sahələrində avtomobillərin hərəkətində ciddi problemlər müşahidə olunur.
Bəzi sürücülər yolda qalıb. Avtomobillərini hərəkətə gətirmək üçün onlar digər sürücülərin və sərnişinlərin köməyindən istifadə etməyə məcbur olublar.
Hazırda bölgədə qar yağışı davam edir.
