Cəlilabadda sürücünün xəsarət alması ilə nəticələnən yol-nəqliyyat hadisəsi baş verib.
Cenublu.az xəbər verir ki, hadisə köhnə Ələt-Astara avtomobil yolunun 147-ci km-də, rayonun Maşlıq kəndi ərazisində qeydə alınıb.
Belə ki, əvvəlcə Seymur Əmirovun idarə etdiyi "VAZ 2107" markalı minik avtomobili Azər Süleymanovun idarə etdiyi "Mercedes" markalı minik avtomobili ilə toqquşub. Daha sonra "Mercedes" yolun kənarında dayanan "Qazel" markalı sərnişin mikroavtobusuna çırpılıb. Qəza nəticəsində sürücülərdən biri - S.Əmirov müxtəlif bədən xəsarətləri alıb. O, rayon xəstəxanasına çatdırılıb.
Faktla bağlı araşdırma aparılır.
