Cəlilabadda yük avtomobili at arabasını vurub.
Cenublu.az xəbər verir ki, hadisə axşam saatlarında rayonun Maşlıq kəndi ərazisində, istirahət mərkəzlərindən birinin yaxınlığında qeydə alınıb.
"QazEl" markalı yük avtomobili həmin ərazidə Maşlıq kənd sakinləri, 1997-ci il təvəllüdlü Xəyal Əliyev və 2007-ci il təvəllüdlü Allahverən İbadovun olduğu at arabasını vurub. Nəticədə hər iki şəxs hərəkətdə olan arabadan yerə yıxılaraq müxtəlif zədələr alıblar.
Yaralılar Cəlilabad Rayon Mərkəzi Xəstəxanasına çatdırılıblar. Məlumata görə, hər iki şəxsə ilkin yardım göstərilib və hazırda həkim nəzarətindədirlər.
Hadisə nəticəsində arabaya qoşulan atın da iki ayağı sınıb.
Hazırda hadisənin baş vermə səbəbləri araşdırılır.
View this post on Instagram
