Cəlilabad rayonunda bu il arıçılıq təsərrüfatlarında məhsuldarlıq ötən illə müqayisədə təxminən iki dəfəyə yaxın azalıb.
Report.az-a bu barədə Azərbaycan Arıçılar Assosiasiyasının Cəlilabad filialının sədri Rövşən Tağıyev məlumat verib.
Təşkilat sədrinin sözlərinə görə, bu ilin may-iyun ayında havaların yağıntılı keçməsi, eyni zamanda xəstəliyin baş verməsi nəticəsində bəzi arı ailələri məhv olub. Həmçinin belə vəziyyət balın məhsuldarlığın da aşağı salıb. Belə ki, ötən il bir arı ailəsindən orta hesabla 10-15 kq məhsul almaq olurdusa, bu il bu rəqəm 5-10 kq-a qədər azalıb.
Onun sözlərinə görə, rayonda hazırda 600-ə yaxın şəxs arıçılıq təsərrüfatı ilə məşğuldur və 12 minə yaxın arı ailəsi mövcuddur.
