Astara rayonunun Bala Şahaqacı kənd sakinləri mart ayının 30-dan etibarən elektrik təchizatı ilə bağlı "Azərişıq" ASC-yə dəfələrlə şikayət etdiklərini bildirirlər.
Sakinlərin Cenublu.az-a verilən məlumata görə, məhəllədəki elektrik naqilləri sallanmış vəziyyətdədir və gərginlik stabil deyil - 150-190 volt arasında dəyişir. Belə ki, gərginliyin tez-tez azalması və artması məişət avadanlıqları üçün təhlükə yaradır.
Sakinlər bildirirlər ki, problemin həlli üçün “199” Çağrı Xidmətinə zəng edilib, sosial şəbəkələr və elektron poçt vasitəsilə "Azərişıq"a müraciətlər göndərilib. Lakin hələ də heç bir tədbir görülməyib.
Sakinlər məsələ ilə bağlı aidiyyəti qurumlardan dərhal tədbir görülməsini tələb edir.
