Astarada ata oğlunu güllələyib.
Cenublu.az-ın əldə etdiyi məlumata görə, hadisənin istintaqı Lənkəran Ağır Cinayətlər Məhkəməsində keçirilib.
Belə ki, təqsirləndirilən Aslan Ağazadənin oğlu zərərçəkmiş Nicat Ağazadə (ad, soyadı şərtidir) yaşadığı evin həyətyanı sahəsində atasının əkdiyi naringi ağaclarındakı meyvələri icazəsiz dərib satıb. Buna görə onların arasında mübahisə yaranıb. Bu zaman Aslan Ağazadə oğluna bir dəfə üz nahiyəsindən yumruqla zərbə vurub, daha sonra yaşadığı evdə saxladığı qoşa lüləli ov tüfəngini götürüb Nicat tərəfə bir dəfə atəş açaraq onu yaralayıb.
Hadisədən sonra Aslan Ağazadə saxlanılıb və barəsində həbs qətimkan tədbiri seçilib. O, Azərbaycan Respublikası CM-nin 126.1-ci maddəsi ilə təqsirləndirilib.
Lənkəran Ağır Cinayətlər Məhkəməsində keçirilən prosesdə Aslan Ağazadəyə hökm oxunub. O, 5 il 6 ay müddətində azadlıqdan məhrum edilib.
Fidan İlqar
