Bu gün Vətən müharibəsi şəhidimiz Asif Kərimovun xatirəsi yad edilir.
Asif Məmməd oğlu Kərimov 1989-cu il martın 25-də Cəlilabad rayonunun Ləzran kəndində anadan olub.
O, 2010-2012-ci illərdə Azərbaycan Silahlı Qüvvələrinin sıralarında xidmət edib.
Azərbaycan Ordusunun leytenantı olan Asif Kərimov Vətən müharibəsi zamanı Füzulinin, Qubadlının və Şuşanın azadlığı uğrunda gedən döyüşlərdə savaşıb. O, 2020-ci il noyabrın 3-də Şuşa döyüşləri zamanı şəhid olub. Cəlilabad rayonunda dəfn olunub.
Ölümündən sonra "Vətən uğrunda", "Qubadlının azad olunmasına görə", "Hərbi xidmətlərə görə", "Füzulinin azad olunmasına görə" və "Şuşanın azad olunmasına görə" medalları ilə təltif edilib.
Gülay adında bir qızı və Yusif adında bir oğlu yadigar qalıb.
