Ümumtəhsil məktəblərinin şagirdləri arasında “Zəfər” respublika yaradıcılıq festival-müsabiqəsinin zona mərhələsi keçirilib. Bu haqda məlumatı Cenublu.az bu gün, 22 may tarixində verir.
Müsabiqədə Lənkəran–Astara Regional Təhsil İdarəsinin tabeliyində olan ümumi təhsil müəssisələri iştirak edib. Münsiflər heyəti tərəfindən ifa, rəqs, təsviri incəsənət, dekorativ tətbiqi-sənət və dram nominasiyaları üzrə nümunələrə baxış keçirilib.
Zona mərhələsində nominasiyalar və yaş qrupları üzrə I yerlərin sahibləri final mərhələsində iştirak etmək hüququ qazanıblar. Final mərhələsi, qaliblərin mükafatlandırılması və yekun tədbir cari ilin oktyabr ayında Bakı şəhərində keçiriləcək.
