Martın 22-si saat 09:00-a olan faktiki hava ilə bağlı məlumat açıqlanıb.
Milli Hidrometeorologiya Xidmətindən Cenublu.az-a verilən məlumata əsasən, ölkə ərazisinin əksər bölgələrində yağıntılı hava şəraiti davam edir.
Belə ki, düşən yağıntının miqdarı Astarada 31, Lənkəranda 29, Lerikdə 5, Cəlilabadda 4, Biləsuvarda isə 1 mm-dir.
Lerikdə duman müşahidə olunur, görünüş məsafəsi 500 metrədək məhdudlaşır.
Dağlıq rayonlarda 6 dərəcəyədək şaxta qeydə alınıb.
