Bakıda 5 aylıq hamilə Astara rayon sakini və*fat edib.
Cenublu.az-ın məlumatına görə, Astara rayonunun Rinə kənd sakini Zümrüd Kamran qızı Hacıyeva səhhətində yaranan ağırlaşma səbəbindən Bakı şəhərindəki xəstəxanalardan birinə yerləşdirilib.
Bildirilib ki, həkimlərin göstərdiyi tibbi müdaxilələrə baxmayaraq, o, müalicə aldığı tibb müəssisəsində dünyasını dəyişib.
Məlumata görə, Zümrüd Hacıyeva 5 ildir ailəli olub və xərçəng xəstəliyindən əziyyət çəkirmiş. O, hamiləliyinin 5-ci ayında və*fat edib.
Qeyd edək ki, mərhumun nəşi ailəsinə təhvil verilib və doğulduğu kənd qəbiristanlığında dəfn olunub.
