Vətən müharibəsi şəhidi Osman Bayramovun anadan olduğu gündür.
Osman Zeyqəm oğlu Bayramov 1987-ci il fevralın 13-də Biləsuvar rayonunun Ağalıkənd kəndində anadan olub. Ailəli idi, iki qız övladı var.
Azərbaycan Silahlı Qüvvələrinin müddətdən artıq həqiqi hərbi xidmət qulluqçusu Osman Bayramov 27 sentyabr 2020-ci il tarixində başlanan Vətən müharibəsində iştirak etmiş və Füzuli uğrunda gedən döyüşlərdə qəhrəmancasına şəhid olub. O, doğulduğu Ağalıkənd kənd qəbiristanlığında torpağa tapşırılıb.
Osman Bayramov "Vətən uğrunda", "Füzulinin azad olunmasına görə" və "İgidliyə görə" medalları ilə təltif edilib.
