Bu gün Ayxan Qurbanzadənin doğum günüdür.
Ayxan Fariz oğlu Qurbanzadə 1998-ci il iyulun 25-də Lənkəran rayonunun Şağlaküçə kəndində anadan olub. Atası Fariz Qurbanov Birinci Qarabağ müharibəsi qazisidir.
Azərbaycan Ordusunun əsgəri olan Ayxan Qurbanzadə Vətən müharibəsində atıcı olaraq iştirak edib. Xocavəndin və Füzulinin azadlığı uğrunda gedən döyüşlərdə vuruşub. O, 2020-ci il oktyabrın 25-də Füzuli-Hadrut istiqamətində döyüş tapşırığının yerinə yetirilməsi zamanı şəhid olub. Lənkəran rayonunda dəfn edilib.
Ölümündən sonra "Vətən uğrunda", "Füzulinin azad olunmasına görə" və "Cəsur döyüşçü" medalları ilə təltif edilib.
