Cəlilabad rayonunun Vənlik kəndində mavi yanacağın olmaması sakinlərin narazılığına səbəb olub. Bu haqda məlumatı Cenublu.az bu gün, 27 aprel tarixində ARB Media-ya istinadən verir.
Kənd camaatın sözlərinə görə, artıq neçə müddətdir ki, onlar məcbur olub öz həyətlərindəki ağacları kəsərək odun kimi istifadə edirlər. Həmçinin qazın olmaması səbəbindən sakinlər öz evlərində 2-3 propan balonundan istifadə edirlər.
“Bizə qaz lazımdır. Meşəyə gedə bilmirik. Gücümüz də artıq çatmır odunu daşımağa. Çiynimizdə daşıyırıq. İl ərzində oduna 2000 manat xərcimiz çıxır. Bəzən odun belə çatmır”, – deyə sakinlər bildiriblər.
