Lənkəranda iki gün öncə iki gəncin ölümü ilə nəticələnən qəzanın səbəbi bəlli olub. Bu haqda bu gün, 11 avqust tarixində Cenublu.az Qafqazinfo.az-a istinadən xəbər verir.
Vel kəndində baş vermiş qəza vaxtı Səpnəkəran kənd sakini, 23 yaşlı Əliyev Fariz Ramiz oğlunun idarə etdiyi “VAZ 2107” markalı, 44 CF 979 dövlət qeydiyyat nişanlı avtomobil digər minik avomobili ilə ötüşüb.
Məlumatda bildirilib ki, Fariz Əliyev digər avtomobil ilə ötüşərkən onun avtomobilini sıxıblar. Saatda 130-140 km/s gedən avtomobillər bir-birinə yüngün toxunduqlarından qəza baş verib. Nəticədə F.Əliyevin sürdüyü “07” idarəetmədən çıxaraq Vel sakinlərindən birinin həyətinin dəmir darvazasına çırpılıb. Avtomobildə olan sürücü və sərnişini Ruslan Hüseynzadə hadisə yerində ölüblər, digər sərnişin Tərlan Rəhimov isə xəstəxanaya yerləşdirilib. Onun vəziyyəti ağır qiymətləndirilir.
Şahidlər, qəzadan sonra yararsız avtomobilin spidometrinin 130-un üstündə olduğunu bildiriblər. F.Əliyevlə ötüşən digər sürücü müəyyən edilib və onun avomobili cərimə meydançasına aparılıb.
