Yanvar ayından pensiya artımlarının hesablanacağı gözlənilir. Bu haqda məlumatı Cenublu.az bu gün, 9 yanvar tarixində Bizim.media-ya istinadən verir.
Belə ki, çox güman ki, 2024-cü ildə əmək pensiyalarının artırılması 2023-cü ildə orta aylıq əməkhaqqının faiz artımına uyğun olaraq həyata keçiriləcək.
Dövlət Sosial Müdafiə Fondunun İctimaiyyətlə Əlaqələr Departamentinin müdiri Rəşad Mehdi qeyd edib ki, müvafiq sərəncam olduqdan sonra pensiyaların ödəniləcəyi tarix və artımın nə vaxt əlavə ediləcəyi ilə bağlı məlumat veriləcək. Pensiyaların ödənişi ilə bağlı qrafik hazırlanandan sonra mediada paylaşılacaq.
