Lənkəran Dövlət Dram Teatrının aktyoru Əlibala Əsgərov vəfat edib. Bu haqda məlumatı Cenublu.az bu gün, 13 iyun tarixində verir.
Tanınmış teatr və kino aktyoru Əlibala Əsgərov uzunsürən ağır xəstəlikdən sonra iyunun 12-də gecə saatlarında ömrünün 69 yaşında dünyasını dəyişib.
Ə. Əsgərov 1975-ci ildən Lənkəran Dövlət Dram Teatrının aktyorudur. Bu teatrın səhnəsində 100-dən çox tamaşada müxtəlif səpkili rollar canlandırıb. Aktyor "Durnalar qayıdanda" filmində sovet zabiti, "Qəzan mübarək Paşam" filmində general Əliağa Şıxlinski obrazlarını yaradıb.
