Lənkəran şəhər İcra Hakimiyyətinin başçısı Taleh Qaraşov növbəti səyyar görüş-qəbulunu Zövlə kəndinin sakinləri ilə keçirib. Bu haqda məlumatı Cenublu.az bu gün, 26 yanvar tarixində verir.
İcra başçısı ilə birgə səyyar qəbulda İcra Hakimiyyəti aparatının məsul şəxsləri, hüquq-mühafizə orqanlarının rəhbərləri, idarə və müəssisələrin nümayəndələri də iştirak ediblər. ŞİH başçısı ötən görüşdə qaldırılan məsələlərin icra vəziyyəti barədə yerli sakinlərə məlumat verib, İcra Hakimiyyətinin səlahiyyətləri çərçivəsində və qanunvericiliyə uyğun olaraq qaldırılan məsələlərin həll olunduğunu, digər məsələlər barədə aidiyyəti qurumlara rəsmi müraciətlərin ünvanlandığını qeyd edib.
