Lənkəran şəhər İcra Hakimiyyətinin başçısı Taleh Qaraşov Xanbulan kənd inzibati ərazi dairəsinin sakinlərini dinləyib. Bu haqda məlumatı Cenublu.az bu gün, 5 fevral tarixində verir.
Qəbula İcra Hakimiyyəti aparatının məsul şəxsləri, hüquq-mühafizə orqanları, yerli idarə və müəssisələrin nümayəndələri də cəlb olunublar.
Səyyar görüşdə ötən qəbulda qaldırılan məsələlərin icra vəziyyəti barədə müzakirələr aparılıb. Yerli İcra Hakimiyyətinin səlahiyyətləri çərçivəsində qaldırılan ədalətli məsələlərin hər biri həllini tapıb, digər məsələlər barədə aidiyyəti qurumlara tapşırıqlar verilib.
Xanbulan kənd inzibati ərazi dairəsinin sakinləri sərbəst, maneəsiz fikir və istəklərini, habelə şəxsi məsələlərini rayon rəhbərliyinə bildirə bilməkdən, həmçinin onların həlli istiqamətində səmimi yanaşma görməkdən məmnun qalıblar.
