Lənkəran Şəhər İcra Hakimiyyətinin başçısı Taleh Qaraşov Nərimanabad qəsəbəsinin sakinlərini qəbul edib. Bu haqda məlumatı Cenublu.az bu gün, 14 mart tarixində verir.
Görüşdə rayonun hüquq-mühafizə orqanlarının rəhbərləri, idarə və müəssisələrin nümayəndələri iştirak ediblər.
Səyyar görüş-qəbulda icra başçısı ötən görüşdə qaldırılan məsələlərin icra vəziyyəti barədə yerli insanlara məlumat verib. Daha sonra qəsəbə əhalisini narahat edən və yerli İcra Hakimiyyətinin səlahiyyətlərinə aid olan bütün məsələlər yerində həllini tapıb, digər məsələlərin həlli ilə bağlı tapşırıqlar verilib.
Yerli sakinlər qaldırdıqları məsələlərin həllinə səmimi yanaşmadan məmnun qalıblar.
