Sabirabad rayonunun Sərxanbəyli kənd sakini Nicat Abdullayev suvarma suyu çatışmazlığından əziyyət çəkdiyini bildirir.
Cenublu.az xəbər verir ki, vətəndaşın sözlərinə görə, əraziyə su vaxtında verilmədiyi üçün həyətyanı sahəsində becərdiyi bostan bitkilərini və meyvə ağaclarını suvarmaqda ciddi çətinlik yaranıb. O qeyd edir ki, illərlə qulluq etdiyi ağaclar artıq qurumaq təhlükəsi ilə üz-üzədir.
Problemdən çıxış yolu kimi həyətdə quyu qazdırsa da, həmin su nə bağın, nə də bostanın tələbatını tam ödəyir.
Nicat Abdullayev aidiyyəti qurumlardan kəndə suvarma suyunun vaxtında və fasiləsiz verilməsini xahiş edir.
