Sentyabr döyüşlərindən 3 il ötür

Bu gün Azərbaycan-Ermənistan dövlət sərhədində baş vermiş sentyabr döyüşlərinin 3 ili tamam olur.

Ermənistan silahlı qüvvələrinin bölmələri 2022-ci il sentyabrın 12-dən 13-nə keçən gecədən başlayaraq Daşkəsən, Kəlbəcər və Laçın istiqamətlərində genişmiqyaslı təxribat törədib. Düşmənin diversiya qrupları müxtəlif istiqamətlərdə Azərbaycan Ordusunun bölmələrinin mövqeləri arasındakı ərazilərin və təminat yollarının minalanmasını həyata keçirib.

Ordumuzun Daşkəsən, Kəlbəcər və Laçın rayonları ərazisindəki bəzi mövqeləri, sığınacaqlar və dayaq məntəqələri müxtəlif çaplı silahlar, o cümlədən minaatanlardan intensiv atəşə tutulub.

Döyüşlər zamanı Silahlı Qüvvələrimizin ümumilikdə 80 hərbi qulluqçusu şəhid olub, 282 döyüşçümüz isə yaralanıb. Bundan başqa, Ermənistan silahlı qüvvələrinin təxribatı nəticəsində Azərbaycan tərəfindən 2 mülki şəxs də xəsarət alıb.

Ermənistan rəsmilərinin bildirdiyinə görə, düşmən 224 hərbçisini itirib, daha 3 nəfər isə itkin düşüb. Ermənilərin 300-dən çox hərbi qulluqçusu yaralanıb.

Sentyabr döyüşləri zamanı şəhidlik zirvəsinə yüksələn Cənub bölgəsindən olan hərbçilərimizin adlarını təqdim edirik:

Leytenant Məlikov Vüsal Bəxtiyar oğlu – Lerik rayonu, Almu kəndi;

XTQ giziri Əhədzadə Xəyal Əlövsət oğlu – Lənkəran rayonu, Nərimanabad qəsəbəsi;

XTQ giziri Həsənov Səid Sarıbala oğlu – Cəlilabad rayonu, Əsədli kəndi;

Baş gizir Mәmmәdov Nahid Hüseynağa oğlu, Cəlilabad rayonu Vənlik kəndi;

Gizir Mәmmәdov Mәhәmmәd Bilal oğlu – Biləsuvar rayonu;

Kiçik gizir Hüseynov Ziyarәt Mail oğlu – Biləsuvar rayonu, Amankənd kəndi;

Кiçik gizir Qarazadə Nicat Malik oğlu – Biləsuvar rayonu, İsmətli kəndi;

Baş çavuş Sadıxov Şәmistan Әbdülağa oğlu – Lerik rayonu, Əvilə kəndi;

MAHHXHQ əsgər Nəbiyev Hüseynalı Hikmət oğlu – Cəlilabad rayonu, Bəcrəvan kəndi;

Əsgər Qasımov Rəşad Ənvər oğlu – Cəlilabad rayonu, Alar kəndi;

Əsgər Qurbanov Cəmil Anar oğlu – Astara rayonu;