Bu gün Vətən müharibəsi şəhidimiz Əmrah Xəlilzadənin doğum günüdür.
O, 1997-ci il avqustun 1-də Biləsuvar şəhərində anadan olub.
Vətən müharibəsi zamanı Hadrut qəsəbəsinin və Füzulinin azadlığı uğrunda gedən döyüşlərdə savaşıb. 2020-ci il oktyabrın 26-da Füzuli döyüşləri zamanı şəhid olub. Noyabrın 29-da Biləsuvar şəhərində torpağa tapşırılıb.
Ölümündən sonra "Vətən uğrunda", "Füzulinin azad olunmasına görə", "Xocavəndin azad olunmasına görə" və "Cəsur döyüşçü" medalları ilə təltif edilib.
