Masallıdan olan şəhidimiz Anar Novruzovun anadan olduğu gündür.
Anar Gülverdi oğlu Novruzov 1976-cı ildə mayın 12-si rayonun Ərkivan qəsəbəsində dünyaya göz açıb.
O, Bakı Ali Birləşmiş Komandanlıq Məktəbində bir il təhsil aldıqdan sonra təhsilini yarımçıq saxlayaraq Qarabağ müharibəsində könüllü olaraq iştirak edib. 1994-cü ildə atəşkəsin elan olunması ilə əlaqədar geri qayıdıb və 1995-ci ildə yarımçıq saxladığı təhsilini davam etdirib.
Mayor Anar Novruzov 2020-ci il iyulun 14-də Tovuz istiqamətində gedən döyüşlərdə döyüş tapşırığının yerinə yetirilməsi zamanı şəhadətə ucalıb.
Ölümündən sonra 3-cü dərəcəli "Vətənə xidmətə görə" ordeni ilə təltif edilib.
