Salyan şəhərində yol-nəqliyyat hadisəsi baş verib.
Cenublu.az xəbər verir ki, qəza köhnə Ələt–Astara avtomagistralının şəhərdən keçən hissəsində qeydə alınıb. Belə ki, "Mitsubishi" markalı minik avtomobili KamAZ markalı yük maşını ilə toqquşub.
Toqquşmanın təsirindən idarəetmədən çıxan "Mitsubishi" yol kənarında yerləşən yanacaqdoldurma məntəqəsinə çırpılıb.
Hadisə nəticəsində minik avtomobilinin sürücüsü, onun həyat yoldaşı və övladları müxtəlif bədən xəsarətləri alaraq Salyan Rayon Mərkəzi Xəstəxanasına çatdırılıblar. Yaralıların vəziyyətinin qənaətbəxş olduğu bildirilir.
Faktla bağlı araşdırma aparılır.
