Salyan rayonunun Kürsəngi kəndi ərazisində məişət tullantılarının nizamsız şəkildə ətrafa atılması ciddi antisanitar vəziyyət yaradıb.
Sakinlərin Cenublu.az -a verdiyi məlumata görə, xüsusilə gölün sahilinə atılan müxtəlif məişət tullantıları ətraf mühiti çirkləndirir. Yay aylarında ərazidən yayılan kəskin üfunət və ağcaqanadların çoxalması isə kənd sakinlərinin gündəlik həyatını çətinləşdirir. Onların sözlərinə görə, yaranmış vəziyyət təkcə ekoloji tarazlığa deyil, insanların sağlamlığına da ciddi təhlükə yaradır.
Şikayətçilər aidiyyəti qurumlardan ərazinin tullantılardan təmizlənməsini, nəzarətin gücləndirilməsini və problemin qısa zamanda aradan qaldırılması üçün zəruri tədbirlərin görülməsini xahiş edirlər.
