Lənkəran rayonunda şəhid Vüsal Kazımovun xatirəsinə park kompleksi tikilir. Bu haqda bu gün, 24 avqust tarixində Cenublu.az xəbər verir.
Park igidimizin doğulub-böyüdüyü yerdə inşa edilir. Bu addım dövlət və kənd camaatı tərəfindən atılıb. Yuxarı Nüvədi kəndinin mərkəzində salınan parkın tikinti işlərinin böyük qismi yekunlaşıb. Hazırda xatirə parkında bəzək işləri görülür.
Vüsal Kazımov Yuxarı Nüvədi kəndində 17 dekabr 1990-cı ildə anadan olub. Vətən müharibəsində qəhrəmancasına döyüşən igidimiz Şuşanın azadlığı uğrunda gedən döyüşlərdə şəhid olub.
Ölümündən sonra “Vətən uğrunda”, “Xocavəndin azad olunmasına görə”, “Füzulinin azad olunmasına görə”, “İgidliyə görə” medalları ilə təltif edilib.
Qeyd edək ki, Cenublu.az şəhid Vüsal Kazımovun şərəfinə xatirə lövhəsinin açılışı barəsində məlumat vermişdi.
