Masallıdan olan şəhid Cəbrayıl Baloğlan oğlu Qasımovun ailəsi ziyarət edilib. Bu haqda məlumatı Cenublu.az bu gün, 16 fevral tarixində verir.
Mədəniyyət İşçiləri Həmkarlar İttifaqının Masallı rayon komitəsinin təşəbbüsü və dəstəyi ilə komitə sədri Vəkil İsmailov və bir qrup rəhbər vəzifəli mədəniyyət işçisi Vətən müharibəsi şəhidi Cəbrayıl Qasımovun ailəsinə baş çəkiblər.
Ziyarət zamanı qonaqlar ailənin qayğı və ehtiyacları ilə maraqlanıblar. Sonra ailə üzvlərinə yardım bağlamaları təqdim olunub.
Şəhid Cəbrayıl Qasımovun anası Masallı şəhər Onbirillik İncəsənət Məktəbində çalışır.
