Sabirabadlı qadın gəlinini döyüb.
Demokrat.az xəbər verir ki, hadisə Şüvalan qəsəbəsində yerləşən fərdi evlərdən birində baş verib. Sabirabad rayon sakini, 55 yaşlı Sənəm evdə gəlini, 31 yaşlı Esmira ilə mübahisə edib. Mübahisə zamanı qayınana gəlinin üz və bədən nahiyələrinə şillə vuraraq ona xəsarətlər yetirib.
Faktla bağlı Sənəm barəsində Cinayət Məcəlləsinin qəsdən sağlamlığa yüngül zərər vurma maddəsi ilə ittiham irəli sürülüb.
Məhkəmə iclasında ifadə verən təqsirləndirilən şəxs əməlini tam etiraf edib. O, gəlini ilə barışdığını bildirərək işə xitam verilməsini xahiş edib.
Məhkəmənin hökmünə əsasən, Sənəm zərərçəkmiş şəxslə barışdığı və vurduğu ziyanı tam ödədiyi üçün cinayət məsuliyyətindən azad olunub. İş üzrə icraata xitam verilib.
