Kür çayında suyun səviyyəsinin artması davam edir.
Cenublu.az xəbər verir ki, çayın Sabirabad rayonunun ərazisindən keçən hissəsində suyun qalxması artıq açıq şəkildə müşahidə olunur. Yerli sakinlərin sözlərinə görə, çay kənarında vaxtilə çəkilmiş birinci qoruyucu bənd suyun təzyiqinə tab gətirməyərək yarılıb.
Nəticədə ətrafdakı yulğunluq sahəsi tamamilə su altında qalıb.
Sakinlər bildirirlər ki, əsas qoruyucu bəndə suyun çatması üçün Kür çayında su səviyyəsi hələ bir qədər də yüksəlməlidir.
Hazırda ərazi aidiyyəti qurumların nəzarəti altındadır.
