Aprelin 18-də gözlənilən hava şəraiti açıqlanıb.
Bu barədə Cenublu.az -a Milli Hidrometeorologiya Xidmətindən məlumat verilib.
Azərbaycanın rayonlarında havanın əsasən yağmursuz keçəcəyi gözlənilir. Lakin axşam bəzi qərb rayonlarında qısamüddətli yağıntı olacağı, şimşək çaxacağı, dolu düşəcəyi ehtimal olunur. Gecə və səhər bəzi dağlıq ərazilərdə arabir duman olacaq. Mülayim şərq küləyi bəzi şərq rayonlarında arabir güclənəcək.
Havanın temperaturu gecə 8–11, gündüz 18–23 dərəcə isti, dağlarda gecə 0–5 dərəcə isti, gündüz 10–15, bəzi yerlərdə 18 dərəcə isti olacaq.
