Yanvarın 28-də ölkə üzrə gözlənilən hava şəraiti açıqlanıb.
Cenublu.az xəbər verir ki, Azərbaycanın rayonlarında havanın əsasən yağmursuz keçəcəyi, lakin axşam saatlarında bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə yağıntının intensivləşəcəyi ehtimalı var. Bəzi ərazilərdə arabir duman müşahidə olunacaq. Qərb küləyi bəzi dağlıq və dağətəyi rayonlarda arabir güclənəcək.
Havanın temperaturu gecə 1 dərəcə şaxtadan 4 dərəcəyədək isti, gündüz 5–9 dərəcə isti, dağlarda gecə 5–10 dərəcə şaxta, yüksək dağlıq ərazilərdə 11–13 dərəcə şaxta, gündüz isə 0–5 dərəcə şaxta olacaq.
Gecə və səhər saatlarında bəzi dağlıq rayonlarda yolların buz bağlama ehtimalı var.
