Aprelin 4-nə gözlənilən hava şəraiti açıqlanıb.
Milli Hidrometeorologiya Xidmətindən Cenublu.az -a verilən məlumata görə, Azərbaycanın qərb rayonlarından başlayaraq bəzi yerlərdə fasilələrlə yağıntılı hava şəraiti gözlənilir. Ayrı-ayrı yerlərdə yağıntının intensiv olacağı, şərq rayonlarında isə güclü yağış yağacağı, şimşək çaxacağı və dolu düşəcəyi ehtimal olunur. Dağlıq ərazilərdə qar yağacağı gözlənilir. Bəzi yerlərdə arabir duman olacaq. Qərb küləyi bəzi ərazilərdə arabir güclənəcək.
Havanın temperaturu gecə 8–12° isti, gündüz 15–19° isti, dağlarda gecə 2–6° şaxta, gündüz isə 0–2° şaxta olacaq.
