Azərbaycanın bəzi bölgələrində mayın 6-da qeyri-sabit hava şəraiti müşahidə olunacaq.
Cenublu.az xəbər verir ki, bu barədə Milli Hidrometeorologiya Xidməti məlumat yayıb. Məlumata görə, rayonlarda bəzi yerlərdə arabir yağış yağacağı gözlənilir. Ayrı-ayrı ərazilərdə yağıntının intensiv və güclü olacağı, şimşək çaxacağı, dolu düşəcəyi, dağlıq ərazilərdə isə qar yağacağı ehtimal olunur. Axşam saatlarında əksər rayonlarda yağıntılarda fasilə yaranacaq, bəzi yerlərdə arabir duman müşahidə ediləcək. Mülayim qərb küləyi əsəcək, bəzi ərazilərdə isə arabir güclənəcək.
Havanın temperaturu gecə 9-13 dərəcə isti, gündüz 15-20 dərəcə isti, dağlıq ərazilərdə gecə 2-7 dərəcə isti, gündüz isə 8-13, bəzi yerlərdə 15-18 dərəcə isti olacaq.
